الأسئلة الشائعة
انستجرام مناسب لنشاطي التجاري؟
انستجرام مناسب جدًا لأي نشاط تجاري بيعتمد على الصورة والمظهر سواء كنت في مجال الملابس أو الأكل أو العيادات أو العقارات أو التعليم أو أي خدمة تانية، لأن الناس على انستجرام بتتأثر بالمحتوى البصري الجميل وبتاخد قراراتها بناءً عليه.
إيه الفرق بين الإعلان في الستوري والريلز والمنشور؟
الستوري بيظهر بشكل كامل الشاشة وبيكون تأثيره مباشر وسريع. الريلز بيوصل لجمهور أوسع بكتير بسبب خوارزمية الاستكشاف. والمنشور في الفيد بيبقى ظاهر أطول وبيناسب المحتوى اللي محتاج شرح أكتر. إحنا بنختار الأنسب أو بنجمع بينهم حسب طبيعة خدمتك.
محتاج أكون عارف أصمم علشان أعمل اعلانات على انستجرام؟
لأ خالص، فريقنا بيتولى تصميم الإعلان بشكل احترافي يناسب طبيعة انستجرام، كل اللي بنحتاجه منك هو معلومات عن خدمتك أو منتجك وأي صور أو فيديوهات عندك، والباقي علينا.
إزاي بيتم استهداف الجمهور على انستجرام؟
بنستخدم نظام استهداف Meta القوي اللي بيسمح لنا نوصل لناس بناءً على اهتماماتهم وسلوكهم وعمرهم ومكانهم الجغرافي، وكمان بنقدر نستهدف ناس مشابهة لعملاءك الحاليين علشان توسع قاعدة عملاءك بذكاء.
هل لازم يكون عندي حساب انستجرام نشط؟
وجود حساب انستجرام منظم بيفرق كتير، لأن العميل لما يشوف إعلانك بيدخل على حسابك يتأكد إن نشاطك حقيقي وموثوق. حساب نشط بمحتوى كويس بيزيد ثقة العميل ويحسن نتيجة الإعلان بشكل واضح.
إزاي بتقللوا تكلفة الوصول على انستجرام؟
بنشتغل على تحسين جودة التصميم وجاذبيته علشان يوقف السكرول ويزيد التفاعل، وكلما زاد تفاعل الناس مع إعلانك كلما قلت التكلفة. بنختبر كمان أكتر من تصميم ونص إعلاني ونحتفظ بالأفضل أداءً ونوقف الأقل.
هل أنا اللي بدفع فلوس الإعلان؟
أيوه، ميزانية الإعلان بتروح مباشرة لـ Meta وملكيتها بتاعتك أنت. تقدر تدفع بنفسك أو تكلف فريقنا بالشحن بالنيابة عنك، وفي الحالتين بتشوف كل جنيه اتصرف فين.
اعلانات انستجرام بتجيب رسائل ولا مبيعات؟
الاتنين ممكن حسب هدف الحملة، ممكن نعمل حملة هدفها استقبال رسائل مباشرة على واتساب أو انستجرام، أو حملة هدفها زيارة الموقع وطلب الخدمة مباشرة، وبنحدد الهدف الأنسب لنشاطك من البداية.
هل ممكن أستهدف ناس زاروا موقعي قبل كده؟
أيوه، ودي من أقوى مميزات اعلانات Meta على انستجرام، بنقدر نعمل حملة إعادة استهداف للناس اللي زاروا موقعك أو تفاعلوا مع حسابك على انستجرام، وهؤلاء بيكونوا أقرب للشراء لأنهم عرفوك من قبل.
بتتابعوا الحملة إزاي وبتبلغوني بإيه؟
متخصص الاعلانات بيتابع الحملة يوميًا ويراقب مؤشرات الأداء من تفاعل ووصول وتكلفة، وبيتواصل معاك بانتظام لتقييم جودة العملاء اللي بتيجي وضبط الاستهداف والتصميم بناءً على ملاحظاتك.
